دينا: ابني كره الفن عشان شافني بتعب.. رجالة مصر كلها تربية واحدة ست

0 68

تحدثت الفنانة دينا عن تجربتها في تربية ابنها الوحيد بمفردها بعد وفاة والده المخرج سامح الباجوري، مشيرة إلى أن جملة “تربية واحدة ست” ليست مهينة كما يظنها البعض.
قالت دينا: “كل بيوت مصر مربيينهم واحدة ست، مهما كان في رجل في البيت، فهو في عمله طوال النهار، يعود آخر الليل، مابيربيش، كل مصر مربياها ست”، وذلك حسب تصريحاتها لبرنامج “الستات” الذي تقدمه كل من سهير جودة ومفيدة شيحة عبر شاشة “النهار”.
وتابعت: أما في حالات الانفصال، وإيه اللي خلاه مش موجود؟ ما ياخد أولاده خميس وجمعة يربيهم؟ هو مش عايز يبقى موجود لو عايز أهلا وسهلا، ياخد الولاد يربيهم يشوف إيه اللي حاصل طول الاسبوع ويقومهم في اليومين، عدم وجود الأب صعب جدا، وصعبة على الأم، ودوما أنصح صديقاتي ماتطلقيش ولادك لما يوصلوا 12 سنة مش هتقدري عليهم.
وأضافت: أنا أم صارمة جدا، ابني مش مرفه، ومحطتوش في سكة إنه يبقى مرفه، خليته يعتمد على نفسه، لأن أنا بعتمد على نفسي لحد انهاردة، وأنا معملتلوش أنا عملت لنفسي، هو يعمل لنفسه.
وردت دينا على سؤال مفيدة شيحة عن سبب رفضها أن يستمتع ابنها علي بأموالها قائلة: “ومايبقاش بني آدم؟ يبقى تابع؟ لو أنتِ بتربي كدة يبقى (في الفسكونيا)، يطلع رجل ويعتمد على نفسه، بيل جيتس أعطى لابنه 100 ألف دولار فقط ليبدأ بهم خياته، وهو يمتلك ملايين، لازم يتعلموا يعمل حياته ومسقبلة.
وأضافت: ابني بقى شبهي غصب عنه لأنه عايش طول عمره معايا، وحب المطبخ عشان أنا بحب المطبخ، وعندما قرر دراسة الطبخ كنت عايزاه يدرس إدارة أعمال (بيزنس) وبعدها ياخد كورسات طبخ، ورد علي قائلا: (هو حضرتك لما قولتي لأهلك عايزة ارقص وافقوا؟) قولت له (لا)، وقال لي (أنت نجحتي في إيه؟)، قولت له (الرقص)، قال لي (ممكن تسبيني أدرس طبخ).. سكت وقولت له (اتفضل).
أما عن رغبته في امتهان الفن رغم أن والديه فنانين، قالت دينا: “أذنه موسيقية رائعة، عندما أرقص معه ينفذ الخطوات في 3 ثوان، لكنه لا يحب العمل في الفن، وأنا السبب، لأنه شافني بتعب أد ايه، فقال لي (لا لا أنا عايز اشتغل حاجة 5 أيام ويومين أجازة)”.

اترك رد

لن يتم نشر عنوان بريدك الإلكتروني.

اكتشاف المزيد من الوكالة العراقية الاخبارية الدولية

اشترك الآن للاستمرار في القراءة والحصول على حق الوصول إلى الأرشيف الكامل.

Continue reading

آخر الأخبار